BANDLIK SIYOSATINI TAKOMILLASHTIRISHDA KICHIK BIZNESNING IJTIMOIY-IQTISODIY SAMARADORLIGI

Mazkur maqolada bandlik siyosatini takomillashtirishda kichik biznes va xususiy tadbirkorlikning ijtimoiy-iqtisodiy samaradorligi ilmiy jihatdan tahlil qilinadi. Tadqiqotda kichik biznes subyektlarining mehnat bozoridagi o‘rni, yangi ish o‘rinlarini yaratishdagi ahamiyati hamda aholi daromadlarini shakllantirishga ko‘rsatadigan ta’siri yoritib berilgan. Shuningdek, tadbirkorlik faoliyatining rivojlanishi hududiy iqtisodiy barqarorlikni mustahkamlash, kambag‘allik darajasini kamaytirish va ijtimoiy tengsizlikni qisqartirishdagi roli asoslab beriladi. Tahlillar davomida kichik biznesni moliyaviy qo‘llab-quvvatlash, kreditlash tizimini kengaytirish, raqamlashtirish va infratuzilmani rivojlantirish bandlik samaradorligini oshirishning muhim omillari sifatida baholanadi. Tadqiqot natijalari kichik biznes iqtisodiy o‘sishni rag‘batlantirish, mehnat bozorining moslashuvchanligini ta’minlash hamda hududiy rivojlanishning barqaror mexanizmi sifatida muhim strategik ahamiyat kasb etishini ko‘rsatadi. Shu bilan birga, ushbu sektorni qo‘llab-quvvatlash orqali rasmiy bandlikni kengaytirish va tadbirkorlik muhitini takomillashtirish zarurligi ilmiy xulosalar asosida yoritiladi.