NAZAR ESHONQUL HIKOYALARIDA INSON TAQDIRINING BADIIY TALQINI

Mazkur maqolada zamonaviy o‘zbek adabiyotining yetuk vakili Nazar Eshonqul hikoyalarida inson taqdirining badiiy talqini masalasi tahlil qilinadi. Tadqiqotda yozuvchining hikoyalari asosida inson ruhiyati, ichki ziddiyatlar, yolg‘izlik, begonalashuv va hayotiy tanlov muammolari syujet-kompozitsion hamda ramziy-falsafiy jihatdan o‘rganiladi. Shuningdek, Nazar Eshonqul nasrining o‘ziga xos badiiy-estetik xususiyatlari va uning jahon adabiyoti an’analari bilan mushtarak jihatlari ochib beriladi. Maqola natijalari zamonaviy o‘zbek nasrida inson taqdirini talqin qilishning yangi badiiy imkoniyatlarini yoritishga xizmat qiladi.