SANOAT KORXONALARIDA ESG TAMOYILLARINI JORIY ETISHNING IQTISODIY AHAMIYATI

Mazkur maqolada sanoat korxonalarida ESG (Environmental, Social, Governance) tamoyillarini joriy etishning iqtisodiy ahamiyati ilmiy manbalar va xalqaro statistik ma’lumotlar asosida tahlil qilinadi. ESG konsepsiyasining korporativ boshqaruv, ekologik barqarorlik, investitsion jozibadorlik va ijtimoiy mas’uliyat bilan bog‘liq jihatlari o‘rganildi. Tadqiqot davomida ESG mezonlarini qo‘llash korxonalarning energiya samaradorligini oshirishi, resurslardan oqilona foydalanishni ta’minlashi, investorlarga bo‘lgan ishonchni mustahkamlashi va uzoq muddatli iqtisodiy barqarorlikka xizmat qilishi aniqlangan. Shuningdek, xalqaro tajriba asosida ESG reytinglari yuqori bo‘lgan kompaniyalarning moliyaviy ko‘rsatkichlari nisbatan barqaror ekani ko‘rsatib berildi. Maqolada ESG tamoyillarining sanoat korxonalari faoliyatida iqtisodiy samaradorlikni oshirishdagi roli ilmiy asosda yoritilgan.