KK1-0140 - Hkam hkam u a lam (The Hkam Hkam bird)

Moi shawng de ndai u ni mung e shi na nsam hte nsam le i she n nga dawng, raitim u hka gaw tat hkang hpe e an 2 shatsawm hkat ga ngu da. Grai tsawm ai u tai hkra shatsawm hkat ga ngu she shan 2 gaw, rai jang gaw tat hkang gaw ngai hpe shawng chya rit ngu da. Reng gaw ar u hka mung mana maka tsawm hkra tsi amyu myu (pajisayar) ni mu ai nre i ah htawk she ah htawk tsawm tsawm tsawm sai. Ngu yang she gai ya nang hpe bai chya ya dik nga ngu, re yang gaw ndai u hka na gaw anhte jinghpaw hku nga gaw uhka gaw nat shan hta sha ai, nat shan hta sha ai ngu gaw jinghpaw ni gaw nat jaw jang she e ndai hkungri kaw le hkungri kaw she baw ma, singkaw ma, lagaw ma, daw ai le, daw nna she makai ai le ngut na hkungri kaw mara di gaw dai gaw nat e sha ai nrai sa nat gaw she nsha sadawng i raitim mung i kaja wa hta sha ai gaw u hka ni, dai majaw gaw bumga de nat galaw ai ngu moi ai ngu le i nat galaw jang u hka ni wan hkut mawng mawng re jang gaw oh dai shinggyim masha ni nat moi sai, i nat moi jang gaw ngai ndai u lagaw u baw ngai lu sha na re ngu dai hku she tsawm taw nga yang she, hto grai tsan ai de wa she wan hkut hpoi hpoi rai taw ai da. Rai jang gaw u hka gaw sa tin sai le lawan di u lawan du u oh ngai ndep sha na ma hkrit ai le i lawan di u chya u, lawan chya u, ya law grai tsawm hkra chya ya na law, ngu di wa mung lawan di u sha a nga da, reng gaw tat hka u gaw kaun sai gaw kaun ai ngu chye ai i pawt mayu na she ndai lachyut ngu nga ai ndai ah chyang le ah chyang hte shak re na shi swi tawm hprawng tawm re na shi gaw dai uhka gaw dai oh ra wa e lachyut hte chya dat ai majaw, lachyut ngu gaw namlap kaw na galaw la ai, dai amyu mi re ndai e dai ngut na she shi gaw ya du hkra chyang mat wa ai u hka gaw, rai nna ndai hkam hkam u ngu gaw tat hkang ngu anhte gaw tat hkang tat hkang shana ngoi ai re dai u gaw grai tsawm ai ngai langai gaw mu yu sai. Ngai langai lu gap ai shana, shana nre shani raitim dai rai na re ngu dai ram tsawm ai u gaw kaga nnga ai. Hto ra grai sin ai hkaraw de ngai langai lu gap ai. Dai gaw ya ah she hpe hkrit ai majaw le ya i oh ra u hka hpe hkrit ai majaw shi shani n pru sai. Shana chyu nga na shana sha shaga mat ai u gaw dai majaw gaw shinggyim masha gaw nau tin yang nmai ai. Shi gaw oh nat shan hta sha mayu ai nmu i, e dai hta dai majaw shi gaw nau tin ai majaw u hka chyang mat ai nga nang mung na yu sai le i. . Language as given: Jinghpaw