SUN'IY INTELLEKT VA TA'LIM TIZIMI: O'ZBEKISTONDA IMKONIYATLAR, MUAMMOLAR VA XALQARO TAJRIBA

Maqolada sun’iy intellekt (AI) texnologiyalarining O’zbekiston ta’lim tizimida qo’llanilish imkoniyatlari, muammolari va istiqbollari tahlil qilinadi. Tadqiqotda ilmiy adabiyotlar, rasmiy hujjatlar va xalqaro tajriba qiyosiy o’rganildi. Shuningdek, O’zbekistonda AI ni ta’limga joriy etish bo’yicha mavjud tashabbuslar va mahalliy tadqiqotlar ko’rib chiqildi. Tahlil natijalari AI dan samarali foydalanish o’qituvchilar tayyorgarligi, raqamli infratuzilma, ma’lumotlar himoyasi va akademik halollik kabi omillarga bog’liqligini ko’rsatadi. O’zbekiston sharoitida AI vositalarini bosqichma-bosqich pilot loyihalar asosida joriy etish va natijalarni muntazam baholash taklif etiladi.