KK2-0197 - Nhprin yang mare (Nhprin yang village)

Transcription (La Ring) Ya tsun sana i? E ya anhte mi gaw Man Seng Bum ngu ai kaw nga, nga rai she dai kaw she ndai Japan majan Japan ni hpe American ni Japan ni hpe gawt ai majan dai du rai jang she dai majan hkoi ai hpang e gaw anhte nang Nhpring Yang mare kaw e nga ai le. Anhte masha gaw grai wa nlaw ai dai ten hkan e gaw. Ndai mali shi manga kru sanit dai hkan e gaw htinggaw e sanit matsat nga nna dai kaw gaw hkauna galaw sha yi galaw sha. Wo ra Nhkrut ngu ai de mung htinggaw shi dang nga, anhte Nhpring ngu ai kaw gaw htinggaw sanit matsat nga rai na nga na hkauna ni galaw sha rai na nga mat wa yi galaw sha hkauna galaw sha rai na nga mat wa rai yang she dai kaw na ndai manga shi sanit manga shi matsat kawn gaw le Sammung de na masha ni grai lung wa sai le. Le de bai majan nga ai nga kun nga rai na nang anhte Nhpring Nhkrut Nbaw Namhkyek nga ai hkan e dai kaw na gaw masha law mat wa sai. Masha grai nga, masha grai nga grai nga yawng kahtawng hte kahtawng Kaji Nam Hkam nga ai wo Lachya nga ai hkan yawng hkauna galaw sha nna nga mat wa rai yang gaw ya ndai kru shi mali ning kru shi masum ning kaw nna gaw bai majan bai nga mat wa sai le. Majan bai nga mat wa rai yang gaw dai kaw nna gaw ndai kru shi mali ning kawn gaw yawng bai myu de nga ai ni gaw nga, nam de hprawng ai ni gaw hprawng rai na yawng bai nga bra garan nna ya myu Sar Maw ga yawng nang Myitkyina Namati kanang yawng bra sai dai hkan na masha ni. E dan rai na nga mat wa rai yang ya dai mare de kadai nnga sai, kadai nnga. Wo hkauna pa ni mung majoi she nga ai ya nkau mi gaw wa galaw sha ai, nkau mi gaw nlu galaw sha rai na ya Sar Maw ga ngu ai kaw bai mi na u-nga ngu na ni gaw Sar Maw ga kaw bai nga galaw sha dai de mung dai kaw na wo Nhkrut Nhpring, e Nhpring gaw ndu ai hku rai nga ya dai Nhkrut hkan e gaw wa galaw sha nga ma ai. Loi Bawk, Sun Nyeng, Nawng Dang wora hkan e ya hkauna galaw sha nna nga nkau mi gaw. Dan rai na nga rai yang gaw ya gaw mi na moi na masha nga u-sa ngu na ni gaw loimi prat asak kaba ai pang de na ni gaw yawng nnga mat wa ai law mat wa sai le. Ya ma ni daw gaw naw nga nga ma ai. Ma ni gaw nga nga ma ai ya sak kaba ai ni gaw ya grai marai mali manga gaw naw nga ai law. Dan rai nga mat wa re rai nga ndai mung masa shuk ai majaw dan rai na nga bra ayai hkawm mat wa ai hkrai rai nga ga ai. Ya dai kaw dai kaw ma sai. . Language as given: Jinghpaw