ATROFIYA BO'LGAN PASTKI JAG'DA VERTIKAL SUYAK O'STIRISH OPERATSIYASI O'RNIGA QISQA (SHORT) IMPLANTLARNI QO'LLASHNING BIOMEXANIK VA KLINIK TAHLILI

Ushbu tadqiqot pastki jag'ning lateral sohasida kuchli atrofiya kuzatilgan bemorlarda an'anaviy vertikal suyak augmentatsiyasi va qisqa (short) implantlardan foydalanishning klinik-biomexanik samaradorligini qiyosiy baholashga bag'ishlangan. 20 nafar bemorda o'tkazilgan tadqiqot natijalari shuni ko'rsatdiki, qisqa implantlar qo'llanilganda jarrohlik travmatizmi, reabilitatsiya davri va operatsiyadan keyingi asoratlar (xususan, nerv jarohatlari) statistik jihatdan ishonchli darajada kamayadi. Garchi vertikal suyak o'stirish usuli implant uzunligini oshirish imkonini bersa-da, qisqa implantlar to'g'ri okklyuzion yuklama taqsimoti sharoitida suyak rezorbsiyasi va implant barqarorligi bo'yicha standart usuldan qolishmaydi va xavfsiz muqobil variant hisoblanadi.