MEHNAT SHARTNOMASINI BEKOR QILISHDA HUQUQIY HIMOYA MASALALARI

Mazkur maqolada mehnat shartnomasini bekor qilish jarayonida xodimlarning huquqiy himoyasini ta’minlash masalalari kompleks tarzda tahlil qilinadi. Unda mehnat shartnomasini bekor qilishning huquqiy asoslari, tartibi va shartlari, shuningdek, ish beruvchi va xodim o‘rtasidagi huquqiy munosabatlarning o‘ziga xos jihatlari yoritiladi. Tadqiqot davomida noqonuniy ishdan bo‘shatish holatlari, protsessual talablarning buzilishi, diskriminatsiya va boshqa muammolar o‘rganilib, ularni bartaraf etishning samarali huquqiy mexanizmlari ko‘rsatib beriladi. Shuningdek, maqolada mehnat nizolarini hal etish usullari, xususan sud tartibi, mediatsiya va mehnat inspeksiyasi faoliyati tahlil qilinadi. Xalqaro mehnat standartlari va ilg‘or xorijiy tajriba asosida milliy qonunchilikni takomillashtirish bo‘yicha ilmiy takliflar ishlab chiqiladi. Tadqiqot natijalari mehnat huquqi sohasida xodimlarning huquqiy himoyasini kuchaytirish va amaliyot samaradorligini oshirishga xizmat qiladi.