KK2-0106 - Jummaw hte shayit (Salt mine and hot mineral spring)

Transcription (La Ring) Jummaw hte sha-it gaw shai ai, jummaw ngu ai gaw jum dat grau shum ai shi hpe shadu yang jum lu ai. E jummaw gaw e Shinggai Jummaw, Tum Jummaw, Marau Jummaw, Maru Jummaw ngai chye ai gaw dai ram gaw chye ai. E ya jahkring naw yaw ndai kaw miyat malap ai e Tum Jummaw ndai ndai re, ndai ma Sumprabum makau kaw re. E Sumprabum hte Putao lapran ndai gaw i. Marau gaw maw gaw Mali hka makau Myitkyina hte e Myitkyina hte Sumprabum lapran, Maru jummaw gaw Nmai hkahku de Pashe kaw nga ai. Ndai u Jum gaw u Jummaw ngu ai gaw u ni sha lu ai hpe tsun ai. Sha-it ngu ai gaw dusat ni lu ai hpe tsun ai. Ndai sha-it law dik shara gaw e bum Bum Hpa Bum kaw re. E Bum Hpa Bum ngu ai gaw gara kaw nga ai ta nga yang Daru Bum marawn kaw nga ai, Sumprabum hte Putao lapran kaw re. U jummaw gaw shi gaw U jummaw ngu gaw u ni hka lu ai nre hpun ninghkri ntsa kaw hpun ni laprun ai ten ndai ya na e January htum February praw hkan e dai jum wa jum lawm ai hka wa salu tai yang dai salu hpe u ni e lu ai re marawp ai re dai hpe u jum maw nga ma ai. Ndai u jummaw ngai mu ga ai gaw Machangbaw ninghtawn Shang Hka, Dingshu ga mare e kaw nga ai hpe ngai mu lu ai. Masha ni gara hku na jum lu ai kun ndai kaw na? E ndai jummaw ni kaw na gaw shadu ai e dai jummaw jum hka hpe shadu ai. E jum hka hpe shadu jahkyet yang jum tai ai ndai gaw. E dai majaw gaw moi prat na anhte ni Jinghpaw ni e dubawng ai masha nnga na daram ngu ai gaw ndai jum le panglai shadu ai panglai hka jummaw jum nsha ai majaw moi na ni dubawng ai nga gaw nga ai raitim grai taw ai. Dai gaw hpa majaw ngu yang dai jum a jum kaja sha ai majaw re. Shadu ai jum e jum a majaw re nga. Chyeju kaba sai. . Language as given: Jinghpaw