XALQ OGʻZAKI IJODI NAMUNALARIDA RAMZIY OBRAZLAR

Mazkur maqolada oʻzbek xalq ogʻzaki ijodidagi ramziy timsollarning badiiy-estetik mohiyati hamda xalq tafakkuri, ma'naviy qadriyatlari va dunyoqarashini ifodalashdagi oʻrni tahlil qilingan. Shuningdek, hayvonlar, tabiat hodisalari, rang va sonlar bilan bogʻliq ramziy obrazlarning folklor asarlaridagi ma'no va badiiy ta'sirchanlikni kuchaytirishdagi ahamiyati yoritilgan. Ramziy timsollarning ma'naviy-estetik tarbiya vositasi sifatidagi oʻrni folklorshunoslik nuqtayi nazaridan baholangan.