RAQAMLI TEXNOLOGIYALAR SHAROITIDA OTA-ONA VA BOLA MUNOSABATLARINING O'ZGARISHI

Mazkur maqolada raqamli texnologiyalar sharoitida ota-ona va bola munosabatlarining mazmunan o‘zgarishi, oilaviy muloqot shakllari, tarbiyaviy nazorat, ishonch va mas’uliyat masalalari tahlil qilinadi. Smartfon, internet, ijtimoiy tarmoqlar va onlayn ta’lim platformalari oilaviy tarbiya jarayoniga yangi imkoniyatlar bilan birga yangi muammolarni ham olib kirmoqda. Tadqiqotda raqamli muhit ota-onaning tarbiyadagi rolini kamaytirmasligi, aksincha, uni yangicha pedagogik yondashuvlar bilan boyitishi zarurligi asoslanadi. Maqolada ota-ona va bola o‘rtasidagi munosabatlarda avtoritar nazoratdan hamkorlikka, bir tomonlama buyruqdan dialogga, yashirin tekshiruvdan ochiq kelishuvga o‘tish zarurligi ko‘rsatib beriladi.