BOSHLANG'ICH SINF O'QUVCHILARIDA O'QISH SAVODXONLIGINI RIVOJLANTIRISH METODIKASI

Ushbu maqolada boshlang‘ich sinf o‘quvchilarida o‘qish savodxonligini rivojlantirish metodikasi tahlil qilingan. Tadqiqot davomida o‘quvchilarning matnni tushunish, asosiy g‘oyani ajratish, yozma ifoda va kreativ fikrlash ko‘nikmalarini rivojlantirishga yo‘naltirilgan turli pedagogik yondashuvlar o‘rganildi. Shuningdek, metakognitiv strategiyalar va integratsiyalashgan metodlarning o‘quv jarayonidagi samaradorligi ko‘rib chiqildi. Tadqiqot natijalari shuni ko‘rsatdiki, interaktiv, individual va kreativ yondashuvlar boshlang‘ich ta’limda o‘qish savodxonligini shakllantirish va rivojlantirishda yuqori samaradorlik beradi, o‘quvchilarning motivatsiyasini oshiradi, diqqat va xotira ko‘nikmalarini mustahkamlaydi hamda ularni mustaqil fikrlashga va o‘zini baholashga rag‘batlantiradi. Shu bilan birga, o‘quvchilarni tarixiy va madaniy meros bilan tanishtirish, Vatan oldidagi burch va mas’uliyat tuyg‘usini shakllantirish ham o‘qish savodxonligini rivojlantirish jarayonida muhim ahamiyatga ega.