TA'LIMDA MOTIVATSIYANI OSHIRISHNING ZAMONAVIY USULLARI

Mazkur maqolada zamonaviy ta’lim tizimida o‘quvchi va talabalarning bilim olishga bo‘lgan qiziqishini kuchaytirish, ularning ichki hamda tashqi motivatsiyasini rivojlantirishning dolzarb masalalari yoritilgan. Axborot texnologiyalari jadal rivojlanayotgan davrda Z va Alfa avlodiga mansub yoshlarning fikrlash uslubi, diqqatni jamlash darajasi hamda ma’lumotni qabul qilish xususiyatlari an’anaviy ta’lim metodlarini yangicha yondashuvlar bilan boyitishni talab etayotgani tahlil qilingan. Shuningdek, maqolada geymifikatsiya, Keys-stadi, loyihaviy ta’lim, interaktiv metodlar va shaxsiylashtirilgan o‘qitish texnologiyalarining ta’lim samaradorligini oshirishdagi o‘rni ilmiy-nazariy jihatdan asoslab berilgan. O‘quv jarayonida motivatsion muhit yaratish orqali mustaqil fikrlash, ijodkorlik, hamkorlikda ishlash va amaliy ko‘nikmalarni rivojlantirish imkoniyatlari ko‘rib chiqilgan. Tadqiqot yakunida ta’lim sifatini oshirishga xizmat qiluvchi motivatsion strategiyalar hamda pedagoglar uchun amaliy tavsiyalar ishlab chiqilgan.