KO'KRAK SARATONINI DAVOLASHDA NEOADYUVANT KIMYOTERAPIYANING SAMARADORLIGINI BAHOLASH
收藏资源简介：
Ko‘krak saratoni ayollar orasida eng ko‘p uchraydigan xavfli o‘smalardan biri bo‘lib, uni davolashda neoadyuvant kimyoterapiya muhim o‘rin tutadi. Mazkur tadqiqotning maqsadi bir klinikada ko‘krak saratoni bilan davolangan bemorlarda neoadyuvant kimyoterapiya samaradorligini retrospektiv baholashdan iborat. Tadqiqotga 2021–2024-yillar davomida morfologik tasdiqlangan ko‘krak saratoni tashxisi bilan neoadyuvant kimyoterapiya olgan bemorlarning tibbiy hujjatlari kiritildi. Davolash samaradorligi RECIST 1.1 mezonlari, patologik to‘liq javob (pCR), bajarilgan jarrohlik amaliyoti turi hamda davolash bilan bog‘liq nojo‘ya holatlar asosida baholandi. Retrospektiv tahlil natijasida neoadyuvant kimyoterapiya o‘smalar hajmini sezilarli darajada kamaytirishi, patologik to‘liq javobga erishish ko‘rsatkichlarini oshirishi va organ saqlovchi jarrohlik amaliyotlarini ko‘paytirishi aniqlandi. Davolashning nojo‘ya ta'sirlari asosan boshqariladigan darajada kuzatildi. Olingan natijalar neoadyuvant kimyoterapiyaning ko‘krak saratonini kompleks davolashdagi samarali usullardan biri ekanligini tasdiqlaydi.
