MUBORAK GAZNI QAYTA ISHLASH KORXONASINING BIOLOGIK XILMA XILLIKGQ TASIRINI BAHOLASH VA MUHOFAZA QILISH CHORA TADBIRLARI

Mazkur ilmiy maqolada Muborak gazni qayta ishlash korxonasining atrof-muhitga, xususan biologik xilma-xillikka ko‘rsatadigan ta’siri kompleks ekologik yondashuv asosida baholangan. Tadqiqot davomida atmosfera havosi, tuproq va suv resurslarining ifloslanish darajasi aniqlanib, ularning flora va fauna tarkibiga ta’siri tahlil qilindi. Bioindikator turlar asosida hududning ekologik holati baholanib, antropogen yuklama darajasi aniqlashtirildi. Natijalar korxona faoliyati natijasida ekotizim komponentlarida sezilarli o‘zgarishlar yuz berayotganini ko‘rsatdi. Shuningdek, biologik xilma-xillikni saqlash va tiklashga qaratilgan ilmiy asoslangan muhofaza chora-tadbirlari ishlab chiqildi. Tadqiqot natijalari sanoat hududlarida ekologik monitoringni takomillashtirish va barqaror rivojlanishni ta’minlashda muhim ahamiyat kasb etadi.