O'ZBEK TILIDAGI TURG'UN O'XSHATISHLARNING LINGVOKULTUROLOGIK TAHLILI

Mazkur maqolada o‘zbek tilidagi turg‘un o‘xshatishlar lingvokulturologik jihatdan keng va tizimli tahlil qilinadi. Turg‘un o‘xshatishlar milliy tafakkur, madaniy qadriyatlar, xalq dunyoqarashi va tarixiy tajribani aks ettiruvchi barqaror frazeologik birliklar sifatida o‘rganiladi. Tadqiqotda hayvonot olami, tabiat hodisalari, maishiy buyumlar, ijtimoiy munosabatlar va axloqiy qadriyatlarga asoslangan o‘xshatishlarning semantik va madaniy ramziyligi ochib beriladi. Olingan natijalar turg‘un o‘xshatishlarning til va madaniyat o‘rtasidagi uzviy bog‘liqlikni ifodalovchi muhim vosita ekanini tasdiqlaydi.