O'ZBEK TILIDA SO'ZNING RUHIY KUCHI: PSIXOLINGVISTIKA VA MOTIVATSION NUTQ TAHLILI

Ushbu maqolada so‘zning inson ruhiyati va ongiga ta’sir etuvchi psixolingvistik mexanizmlari, shuningdek, motivatsion nutqning shakllanishi va ta’sir kuchi ilmiy jihatdan tahlil etiladi. Tadqiqotda til, fikrlash va emotsional holat o‘rtasidagi o‘zaro bog‘liqliklar aniqlanib, so‘zning ruhiy energiyasi va uning shaxs motivatsiyasini shakllantirishdagi roli yoritilgan. Motivatsion nutq namunalarini lingvistik va psixologik aspektlarda tahlil qilish orqali nutqning emotsional-semantik tuzilmasi va u orqali yuzaga keladigan ruhiy ta’sir mexanizmlari izohlangan. Maqola natijalari psixolingvistika, kommunikativ lingvistika hamda ta’limiy va ijtimoiy psixologiya sohalarida motivatsion nutqning samaradorligini oshirishga qaratilgan amaliy tavsiyalarni ishlab chiqishga xizmat qiladi.