ALISHER NAVOIYNING "MAJOLIS UN-NAFOIS" ASARI VA UNING TAZKIRACHILIKDAGI O'RNI

Mazkur maqolada o‘zbek mumtoz adabiyotining yirik namoyandasi, she’riyat mulkining sultoni Alisher Navoiy hazratlarining ilmiy-filologik merosi, xususan, "Majolis un-nafois" asari tadqiq etiladi. Maqolada ushbu asarning turkiy tildagi birinchi tazkira sifatida yaratilish zaruriyati, ijtimoiy-madaniy ehtiyojlari hamda o‘zbek adabiy tilining ilmiy ravnaqidagi o‘rni atroflicha tahlil qilingan. Tadqiqot davomida Navoiyning shoirlar mahoratini baholash mezonlari, turli kasb egalari bo‘lgan ijodkorlarga nisbatan xolis yondashuvi hamda asarning kompozitsion qurilishi kabi muhim jihatlar yoritib beriladi. Shuningdek, "Majolis un-nafois" asarining nafaqat XV asr adabiy muhiti hujjati, balki keyingi asrlar tazkirachilik an'analari taraqqiyotiga ko‘rsatgan samarali ta’siri va xalqaro miqyosdagi e’tirofi ilmiy asoslab berilgan.