MUQIMIY — O'Z DAVRINING BLOGERI: XALQ MUAMMOLARINI SHE'R ORQALI JAMIYATGA OLIB CHIQQAN IJODKOR

Zamonaviy raqamli media davrida blog — muallif o'z fikrlarini, kuzatuvlarini va tanqidiy qarashlarini keng jamoatchilikka etkazuvchi muhim vosita hisoblanadi. Ushbu maqolada Muqimiy she'riyatining zamonaviy blog-jurnalistika bilan qiyosiy tahlili amalga oshirildi. Tarixiy-qiyosiy va kommunikatsion tahlil metodlari qo'llangan holda shoir ijodidagi «bloglashga xos» xususiyatlar — ochiqlik, dolzarblik, jamoatchilik muammolarini ko'tarish funksiyasi — o'rganildi. Tadqiqot natijalari Muqimiy she'riyatining kommunikatsion xarakteri uni «ijtimoiy media» funksiyasini bajaruvchi vosita sifatida ko'rsatadi. Maqola adabiyot va zamonaviy media o'zaro munosabatini yangi nuqtai nazardan ko'rish imkonini beradi.