YAPON TILIDA NUTQ USLUBLARINING GRAMMATIK VA IJTIMOIY-MADANIY TAHLILI

Yapon tili ijtimoiy iyerarxiya va muloqot kontekstiga o‘ta sezgir tildir. Bu tilda muloqot qilish uchun faqat so'z boyligi va grammatikani bilish kifoya qilmaydi, balki so‘zlovchi va tinglovchi o‘rtasidagi ijtimoiy masofani (Psixologik masofa) to‘g’ri baholash talab etiladi. Yapon tilida ushbu tizim "Keigo" (Hurmat uslubi) deb ataladi. Tadqiqotning dolzarbligi shundaki, global muloqot va biznes aloqalari rivojlanayotgan bir davrda, yapon tilidagi rasmiy va norasmiy uslublarning farqini bilmaslik jiddiy diplomatik yoki biznes xatolariga sabab bo‘lishi mumkin. Ushbu maqolada biz fe’l tizimi, sifatlar va olmoshlarning uslubiy o‘zgarishlarini tahlil qilamiz. Yapon tili grammatikasining rasmiy va norasmiy qatlamlari shunchaki til qoidalari emas, balki yapon xalqining ijtimoiy falsafasini aks ettiruvchi murakkab tizimdir.