BIN SIN IJODIDAN "QOG'OZ QAYIQ" SHE'RINING LINGVOPOETIK TAHLILI XUSUSIDA

XX asr xitoy she’riyatining yorqin namoyondalaridan biri bu冰心 Bing sin. Bing Xin ijodini o’rganish, she’rlarini lingvopoetik tahlilga tortish orqali o’sha davr ijodiy muhitini, xitoy tili xususiyatlarini, mamlakat ayollarining orzu, maqsadlari, ichki dunyosini tom ma’noda asl bo’yoqlar bilan aks ettirgan bo’lamiz. Shu kungacha Bing sin ijodi o’zbek tilida chuqur tadqiq etilmagan. Ayniqsa lingvopoetik jihatdan o’rganilmagan. Ijodining aksariyat qismi ingliz va rus tillariga o’girilgan, xorijiy tillarda Bing Sin she’riyati bo’yicha ilmiy izlanishlar olib borilgan. Biroq, ona tilimizga uning ayrim she’rlarigina tarjima qilingan. Ushbu maqolada shoiraning “Qog’oz qayiq” nomli she’ri lingvopoetik tahlilga tortilgan, stilistik xususiyatlari bayon etilgan va xitoy tilidan o’zbek tiliga tarjima qilingan. Ijodkor she’rlaridagi konnotativ ma’noni ifodalab kelgan til vositalarining xususiyatlarini tahlil qilish, she’rlarida qo’llanilgan badiiy san’atlar, leksik takrorlar, shuningdek, xitoy xalq iboralari xususiyatlarini ochib berish, she’rdagi badiiy obrazlar sistemasining yoritilishi asosiy vazifalarimizdan biridir.