AORTA QOPQOG'I STENOZINI DAVOLASHDA TRANSKATETER AORTAL QOPQOQ IMPLANTATSIYASI: INSTRUMENTAL DIAGNOSTIKA VA KLINIK-MORFOLOGIK O'ZGARISHLAR TAHLILI

Mazkur ilmiy maqolada aorta qopqog‘i stenozini davolashda zamonaviy minimal invaziv usul hisoblangan transkateter aortal qopqoq implantatsiyasining klinik samaradorligi, instrumental diagnostika usullarining ahamiyati hamda miokard to‘qimasida yuzaga keladigan morfologik o‘zgarishlar tahlil qilinadi[1,2,3]. Tadqiqot davomida exokardiografiya, multispiral kompyuter tomografiyasi va angiografiya kabi instrumental tekshiruvlar yordamida yurakning strukturaviy va gemodinamik ko‘rsatkichlari baholandi. Shuningdek, miokard gipertrofiyasi, fibroz, kardiomiotsitlar degeneratsiyasi va chap qorincha remodellingi kabi patomorfologik jarayonlar o‘rganildi. Olingan natijalar shuni ko‘rsatdiki[4,5,6], transkateter aortal qopqoq implantatsiyasi aorta stenozi bilan kasallangan bemorlarda gemodinamik ko‘rsatkichlarni yaxshilash, miokard yuklamasini kamaytirish va bemorlarning hayot sifatini oshirishda yuqori samaradorlikka ega[7,8].