NISHOTIY SHE'RIYATIDA ALISHER NAVOIY AN'ANALARINING DAVOMIYLIGI

Mazkur maqolada o‘zbek mumtoz adabiyotining muhim namoyandalaridan biri bo‘lgan Nishotiy she’riyatida Alisher Navoiy an’analarining davomiyligi ilmiy-nazariy jihatdan tadqiq etiladi. Tadqiqot jarayonida Navoiy va Nishotiy g‘azallari qiyosiy tahlil qilinib, ularning g‘oyaviy, badiiy va uslubiy mushtarakliklari aniqlanadi. Maqolada insonparvarlik, ishq falsafasi, tasavvufiy qarashlar, obrazlar tizimi hamda badiiy til masalalari asosiy tadqiqot obyekti sifatida ko‘rib chiqiladi. Shuningdek, Nishotiyning Navoiy an’analarini faqatgina taqlid yo‘li bilan emas, balki ijodiy rivojlantirgan shoir sifatida namoyon bo‘lishi yoritib beriladi. Tadqiqot natijalari Nishotiy ijodi Navoiy poetik maktabining izchil davomi ekanini hamda o‘zbek mumtoz adabiyotida an’ana va yangilik uyg‘unligining yorqin namunasi bo‘lib xizmat qilishini ko‘rsatadi.