YAPON BIZNES YOZISHMALARIDA DIREKTIV IFODALARNING XUSHMUOMALALIK MEXANIZMLARI

Maqolada yapon biznes yozishmalarida direktiv ifodalarning xushmuomalalik mexanizmlari tahlil qilinadi. Ishbilarmonlik yozishmalarida adresatdan ma’lumot yuborish, javob qaytarish, hujjatni tekshirish, belgilangan muddatgacha ma’lumot taqdim etish, masalani ko‘rib chiqish yoki qaror bildirish so‘raladi. Bunday yozma ifodalar mazmunan direktiv nutqiy aktlar hisoblansa-da, yapon biznes diskursida ular ko‘pincha bevosita buyruq yoki qat’iy talab shaklida emas, balki hurmat ifodalari, nominalizatsiya, konstruksiyalar, ehtiyotkor so‘roq shakllari va standart etiket turg‘un birikmalari orqali voqelanadi. Maqolada yapon biznes yozishmalarida uchraydigan real va normativ turg‘un birikmalar tahlilga tortiladi. Tahlil natijalari yapon biznes yozishmalarida direktivlik ochiq buyruqdan ko‘ra muloyim iltimos, hurmatli so‘rov, rasmiy murojaat va adresatga e’tibor bildiruvchi turg‘un birikmalar orqali ifodalanishini ko‘rsatadi.