STRATEGIK QARORLAR VA MENEJMENT BUXGALTER

Mazkur maqolada strategik qarorlar qabul qilish jarayonida menejment buxgalterining o‘rni, vazifalari hamda axborot bilan ta’minlashdagi ahamiyati tahlil qilingan. Zamonaviy xo‘jalik yurituvchi subyektlarda boshqaruv samaradorligini oshirish ko‘p jihatdan aniq, tezkor va ishonchli iqtisodiy ma’lumotlarga bog‘liq ekani asoslab berilgan. Tadqiqot davomida menejment buxgalteri tomonidan shakllantiriladigan ichki axborotlarning strategik rejalashtirish, xarajatlarni nazorat qilish, investitsion loyihalarni baholash va risklarni kamaytirishdagi amaliy ahamiyati yoritilgan. Shuningdek, raqobat muhitining kuchayishi korxonalarda boshqaruv qarorlarini iqtisodiy tahlil asosida ishlab chiqishni talab qilayotgani ko‘rsatib o‘tilgan. Maqolada menejment buxgalterining nafaqat hisob yurituvchi mutaxassis, balki strategik hamkor sifatidagi roli ochib berilgan hamda korxona faoliyatida uzoq muddatli barqarorlikni ta’minlashga xizmat qiluvchi yondashuvlar bayon etilgan. Tadqiqot natijalari korxonalarda boshqaruv hisobini takomillashtirish va strategik boshqaruv samaradorligini oshirishda ilmiy-amaliy ahamiyat kasb etadi.