O'QUVCHILARNING KASBIY MOYILLIKLARINI ANIQLASHDA KOGNITIV DIAGNOSTIKA ILOVASINING SAMARADORLIGI

Maqolada o‘quvchilarning kasbiy moyilliklarini aniqlashda qo‘llaniladigan kognitiv test ilovasini yaratish va pedagogik diagnostika texnologiyasi sifatida joriy etish masalalari ko‘rib chiqilgan. Tadqiqot doirasida to‘rtta asosiy kognitiv funksiyani (mantiqiy-matematik fikrlash, fazoviy tasavvur, verbal intellekt, diqqat va axborotni qayta ishlash tezligi) baholovchi raqamli test tizimi ishlab chiqildi. 240 nafar 9-10-sinf o‘quvchilari ishtirokida tajriba-sinov ishi o‘tkazildi. Natijalar kognitiv test ilovasidan foydalangan eksperimental guruh o‘quvchilarida kasbiy ongli tanlov ko‘rsatkichining 78,3% ga yetganligini ko‘rsatdi (nazorat guruhida 52,5%). O‘z-o‘zini baholash adekvatlig korrelyatsiyasi eksperimental guruhda r=0,72 ni tashkil etdi. Raqamli pedagogik diagnostika vositalarini kasbga yo‘naltirish tizimiga integratsiyalashning ilmiy-metodologik asoslari ishlab chiqildi va amaliy tavsiyalar taqdim etildi.