KASB-HUNAR MAKTABLARIDA RAQAMLI TEXNOLOGIYALARDAN FOYDALANISHNING TA'LIM SAMARADORLIGIGA TA'SIRI

Zamonaviy iqtisodiy sharoitda mehnat bozorining professional ta’lim tizimi bitiruvchilariga qo‘yadigan talablari tubdan o‘zgardi. Sanoat 4.0 inqilobi va ishlab chiqarish sohalarining avtomatlashuvi kasb-hunar maktabi bitiruvchilaridan nafaqat an’anaviy amaliy ko‘nikmalarni, balki yuqori darajadagi raqamli kompetensiyalarni ham talab qilmoqda [1]. Professional ta’lim muassasalari (kollej va texnikumlar) bugungi kunda texnik jihatdan murakkab uskunalarni boshqara oladigan mutaxassislarni tayyorlash muammosiga duch kelmoqdalar. Ushbu muammoning eng samarali yechimlaridan biri sifatida ta’lim jarayoniga raqamli texnologiyalarni, xususan, virtual laboratoriyalar, interaktiv 3D simulyatorlar va kompyuterlashtirilgan o‘quv platformalarini integratsiya qilish ko‘rilmoqda [2].