ATROF-MUHIT IFLOSLANISHI VA BOLALARDA ALLERGIK KASALLIKLAR RIVOJLANISHI

So‘nggi o‘n yilliklarda atrof-muhit ifloslanishining ortib borishi bolalar salomatligiga jiddiy ta’sir ko‘rsatayotgan global muammolardan biri sifatida e’tirof etilmoqda. Ayniqsa, atmosfera havosining ifloslanishi, sanoat chiqindilari, transport vositalaridan ajralib chiqadigan zararli gazlar hamda maishiy ifloslantiruvchi omillar allergik kasalliklarning tarqalishiga sezilarli ta’sir ko‘rsatmoqda. Jahon sog‘liqni saqlash tashkiloti ma’lumotlariga ko‘ra, bolalar ekologik omillarning salbiy ta’siriga kattalarga nisbatan sezgirroq hisoblanadi. Mazkur maqolada atrof-muhit ifloslanishi va bolalarda allergik kasalliklar rivojlanishi o‘rtasidagi bog‘liqlik ilmiy manbalar asosida tahlil qilinadi. Allergik rinit, bronxial astma va atopik dermatit kabi kasalliklarning rivojlanishida ekologik omillarning o‘rni yoritiladi hamda mavjud epidemiologik tadqiqotlar natijalari umumlashtiriladi.