ONKOLOGIK KASALLIKLARDA METABOLIZM O'ZGARISHI

Hozirgi kunda onkologik kasalliklar dunyo miqyosida o‘lim sabablarining eng yuqori o‘rinlaridan birini egallamoqda. Saraton hujayralarining o‘sishi va ko‘payishida ularning metabolizmidagi o‘zgarishlar asosiy rol o‘ynaydi. Ayniqsa, glyukoza almashinuvi, lipid sintezi va energiya ishlab chiqarishdagi biokimyoviy buzilishlar kasallikning rivojlanishiga olib keladi. Shuning uchun metabolik yo‘llarni o‘rganish saratonni erta aniqlash va yangi dori vositalarini yaratishda muhim ahamiyat kasb etadi.