RIVOJLANAYOTGAN DAVLATLARDA MAKTABGACHA TA'LIM TIZIMI

Ushbu maqolada rivojlanayotgan davlatlarda maktabgacha ta’lim tizimining hozirgi holati, uning tarkibiy tuzilishi va rivojlanish tendensiyalari tizimli ravishda tahlil qilingan. Izlanishlar davomida mazkur mamlakatlarda maktabgacha ta’lim qamrovini kengaytirish, moddiy-technika bazasini mustahkamlash hamda ta’lim sifatini oshirish borasidagi strategik yondashuvlar ilmiy asoslangan holda o‘rganilgan. Shuningdek, tizimni moliyalashtirish mexanizmlari, rahbar kadrlar va pedagoglarning kasbiy kompetensiyasini yuksaltirish hamda ta’lim boshqaruvida davlat-xususiy sheriklik loyihalarini tatbiq etish masalalari yoritilgan. Olingan natijalar rivojlanayotgan mamlakatlar sharoitida maktabgacha ta’lim tizimini isloh qilish va boshqaruv indikatorlarini optimallashtirish bo‘yicha tegishli ilmiy-amaliy xulosalar chiqarish imkonini beradi.