ZAMONAVIY GADJETLAR VA UZOQ MUDDATLI EKRAN VAQTINING TALABA YOSHLAR OLIY ASAB FAOLIYATI KOʻRSATKICHLARIGA TA'SIRI

Ushbu maqolada zamonaviy axborot texnologiyalari va gadjetlardan uzoq muddat foydalanishning yoshlar (talabalar) oliy asab faoliyati koʻrsatkichlariga ta'siri fiziologik jihatdan baholangan. Tadqiqot davomida koʻngillilarning kunlik ekran vaqti (Screen time) tahlil qilinib, ular ikki guruhga ajratildi. Oliy asab faoliyatining funksional holatini aniqlash maqsadida Shulte jadvali metodikasi (diqqat barqarorligi va ishchanlik qobiliyati) hamda qisqa muddatli xotirani hajmini aniqlash testlaridan foydalanildi. Olingan natijalar shuni koʻrsatdiki, kunlik ekran vaqti 4 soatdan yuqori boʻlgan yoshlarda diqqat konsentratsiyasining tarqoqligi, axborotni qayta ishlash tezligining pasayishi va qisqa muddatli xotira hajmining qisqarishi (nazorat guruhiga nisbatan p < 0.05) kuzatildi. Maqolada yoshlarning aqliy ishchanlik qobiliyatini saqlash va "raqamli amneziya" asoratlarining oldini olish boʻyicha fiziologik tavsiyalar ilgari surilgan.