MULOQOTDA SHAXSNING EMOTSIONAL HOLATI VA UNING TA'SIRI

Mazkur tezisda muloqot jarayonida shaxsning emotsional holati va uning kommunikativ samaradorlikka ta’siri tahlil qilinadi. Emotsional holat insonning nutq mazmuni, ohangi, mimikasi, tinglash madaniyati hamda suhbatdoshga munosabatini belgilovchi muhim omillardan biri sifatida yoritiladi. Tadqiqotda ijobiy va salbiy emotsional holatlarning muloqot sifati, o‘zaro tushunish darajasi, ziddiyatlarning yuzaga kelishi yoki kamayishiga ko‘rsatadigan ta’siri ochib beriladi. Shuningdek, emotsional boshqaruv, empatiya va psixologik barqarorlikning samarali muloqotni ta’minlashdagi o‘rni asoslab beriladi. Natijada muloqot jarayonida emotsional kompetensiyani rivojlantirish shaxslararo munosabatlarni mustahkamlash, nizolarni kamaytirish va ijtimoiy hamkorlikni kuchaytirishning muhim sharti ekani haqida xulosaga kelinadi.