MALAY VA O'ZBEK MAQOLLARIDA FEMININ OBRAZ: QIYOSIY-NAZARIY TAHLIL

Mazkur maqolada malay xalq maqollari (pepatah) va o‘zbek xalq maqollarida feminin obrazning ifodalanish xususiyatlari nazariy-qiyosiy jihatdan tahlil qilinadi. Tadqiqotning maqsadi ikki xalq paremiologiyasida ayol obrazining lisoniy-madaniy talqinini ochib berish, ularning umumiy va farqli jihatlarini aniqlashdan iborat. Tadqiqotda tavsifiy, qiyosiy-tipologik hamda komponent tahlil metodlaridan foydalanilgan. Natijalar shuni ko‘rsatadiki, har ikki xalq paremiologiyasida ham ona obrazi markaziy o‘rin egallaydi va diniy-axloqiy asosga ega, biroq ayol obrazining leksik-grammatik ifodalanish vositalari, tasniflash tamoyillari hamda metaforik talqin xususiyatlari jihatidan malay va o‘zbek an’analari o‘rtasida sezilarli farqlar mavjud. Tadqiqot natijalari qiyosiy paremiologiya, gender tilshunosligi va lingvokulturologiya sohalarida keyingi izlanishlar uchun nazariy asos bo‘lib xizmat qilishi mumkin.