BADIIY MATN TARJIMASINING O'ZIGA XOS XUSUSIYATLARI

Mazkur maqolada badiiy matn tarjimasining o‘ziga xos xususiyatlari, xususan, tarjimon mahorati, so‘z tanlash san’ati, ma’no va uslubiy muqobillik masalalari yoritiladi. Badiiy asar tarjimasida faqat leksik va grammatik moslik emas, balki muallif uslubi, milliy-madaniy kolorit, obrazlilik va tarixiylikni saqlash muhim omil sifatida talqin qilinadi. Ayniqsa, tarixiy asarlar tarjimasida arxaik leksika va realiyalarni berishdagi nazariy yondashuvlar G‘.Salomov, S.Vlaxov, S.Florin, A.Feodorov va boshqa tarjimashunoslar qarashlari asosida tahlil qilinadi. Muallif tarjimada so‘zma-so‘z emas, balki ma’no-ma’no, ohang-ohang tamoyilining ustuvorligini asoslaydi.