FRANSIYADA MA'MURIY SHIKOYAT BO'YICHA ISH YURITISHNING O'ZIGA XOS XUSUSIYATLARI

Ushbu maqolada Fransiyada ma’muriy shikoyat bo‘yicha ish yuritishning o‘ziga xos xususiyatlari tahlil qilinadi. Fransuz huquqiy doktrinasida ma’muriy shikoyat institutining tarixiy-nazariy asoslari, xususan Moris Oriu, Jan-Klod Bonisho va Jan-Lyuk Pissalu qarashlari asosida ko‘rib chiqiladi. Maqolada oddiy va ierarxik shikoyat turlari, shuningdek majburiy dastlabki ma’muriy shikoyat (RAPO) instituti, uning qo‘llanish sohalari, protsessual muddatlari va sudga murojaat qilish tartibiga ta’siri yoritiladi. Muallif Fransiya modelining markazlashmagan, moslashuvchan va differensial xususiyatga ega ekanligini asoslaydi hamda uni Germaniya tizimi bilan qiyoslash orqali xulosalar chiqaradi.