YOSHLIK DAVRIDA KASBIY ANGLANGANLIK

Ushbu maqola yoshlar rivojlanishining muhim bosqichi bo‘lgan yoshlik davrida kasbiy anglanganlik masalasiga bag‘ishlangan. Tadqiqotda kasbiy anglanganlik tushunchasining mazmun-mohiyati, uning shakllanish bosqichlari hamda yoshlarning shaxsiy, ijtimoiy va psixologik xususiyatlari bilan o‘zaro bog‘liqligi tahlil etiladi. Shuningdek, kasb tanlash jarayoniga ta’sir etuvchi omillar - oila, ta’lim muassasalari, ijtimoiy muhit va shaxsiy qiziqishlarning roli yoritib beriladi. Ishda yoshlar orasida ongli kasb tanlashni shakllantirishning pedagogik va psixologik shart-sharoitlari ko‘rib chiqilib, kasbiy yo‘naltirishning samarali usullari taklif etiladi. Tadqiqot natijalari yoshlarning o‘z qobiliyat va imkoniyatlarini to‘g‘ri baholash, mehnat bozorida o‘z o‘rnini topish hamda kelajak faoliyatini ongli ravishda rejalashtirishda muhim ahamiyat kasb etadi.