OMONIMLARNING KOGNITIV MODELLARI: INGLIZ VA O'ZBEK TILLARI QIYOSIDA

Mazkur maqolada ingliz va o‘zbek tillaridagi omonimlarning kognitiv modellari qiyosiy tahlil qilinadi. Tadqiqotning asosiy maqsadi omonim birliklarning inson tafakkurida qanday konseptualizatsiya qilinishi, ularning nutqiy idrok va ma’no faollashuvi jarayonlarida qanday kognitiv mexanizmlar ishtirok etishini aniqlashdan iborat. Kognitiv tilshunoslik nazariyalari asosida omonimlarning mental leksikondagi o‘rni, kontekst orqali ma’no tanlanishi hamda tillararo strukturaviy farqlarning kognitiv idrokka ta’siri yoritiladi. Tadqiqot natijalari shuni ko‘rsatadiki, ingliz tilining analitik xususiyati va o‘zbek tilining agglutinativ tuzilishi omonimlarni idrok etish va qayta ishlash jarayonida turli kognitiv modellarni yuzaga keltiradi. Maqola natijalari qiyosiy semantika, tarjima nazariyasi hamda chet tilini o‘qitish amaliyoti uchun muhim ilmiy ahamiyat kasb etadi.