KK1-1198 - Marip du wa Sam du wa hpe maidang kadawng jaw ai (The Marip chief and the Shan chief)

Transcription (Lu Hkawng) Ya ngai hkai na maumwi gaw Marip du wa sam du a mai dang sa gadawn jaw ai lam rai na re, Moi marip du wa gaw ndai hku re da, shan nu wa ni shat she hpa n sha jang she sam du wa hpe hpai la sa tam ai hku na rai re nga maidang shawng sa kadawng jaw nna she baw hku bai naw ai da. Shaloi she sam du wa gaw "E marip du wa nang gaw hpa majaw ngai hpe sa roi ai i, dai gaw hpa re ai ga i ngu mai dang kadawng jaw ai ngu htung n nga ai e sam du wa anhte jinghpaw gaw abum hpe shawng naw nna she Hkawhkam sam du naw ai gaw nang bum nga yang she nga n re i, anhte gaw bum kaw nga ai majaw anhte nga ai lamu ga hpe shawng naw ai" nga nna she sam du naw re nga "Ga ndai wa gaw shat n-gu sa hpyi sha ai mi gaw she nga ai mi ngai hpe ndai hku sa naw ai gaw ndai gaw ngai hpe roi ai ga she re" ngu na she pawt mayu na she oh mam ka wa she "Oh nang dang yang gaw oh ka hte nawng wa gun la u" ngu "Oh ka oh ra gun mat wa u" ngu ai da. "Kaja i" nga yang "Kaja" ngu sai da. Shaloi she "E dai rai jang gaw nang ka nawng jaw jang gaw rai sai yaw" ngu na she nta de bai wa yang she mahtang hpyi galu re nga re ai wa gawng la nna she nta kaw na Marip du wa shi na mayam ni madu jan ni yawng sa re yang she gun na hkyen sai da, dai mam ka wa jinghpa sa hpa na she gun yang she ya ndai ngai gun ai ka kaw na gaw ga kaw tawn tawn ai gaw yawng gun wa na re, kadawng mi ru ru ngai ya ga kaw taw jang gaw yawng nye num ni gun na re ngu na she ka dai wa she jinghpa hpa na she gun mat wa sai gaw shaloi she "E dai ka nawng gaw hkum di law n mai ai law n-gu madaw jaw na law ngu na she mam ka gaw n jaw na she oh n-gu ka kaw na n-gu bai da-gawt jaw ai da. . Language as given: Jinghpaw