"SHO'ROI ISLOMIYA" VA "SHO'ROI ULAMO" JAMIYATLARI: TASHKILIY TUZILMASI, MAQSADLARI VA O'ZARO MUNOSABATLARI

Ushbu maqolada 1917-yilgi inqilobiy voqealar jarayonida Turkiston o‘lkasining ijtimoiy-siyosiy maydonida vujudga kelgan ikki yirik milliy tashkilot – “Sho‘roi Islomiya” va “Sho‘roi Ulamo” jamiyatlarining faoliyati qiyosiy tahlil etiladi. Tadqiqotda mazkur jamiyatlarning tashkiliy tuzilmasi, dasturiy maqsadlari, ijtimoiy bazasi hamda o‘lka siyosiy hayotidagi o‘zaro murakkab munosabatlari arxiv hujjatlari va davriy matbuot materiallari asosida yoritilgan. Shuningdek, milliy ziyolilar (jadidlar) va an'anaparvar ulamolar (qadimchilar) o‘rtasidagi g‘oyaviy ziddiyatlarning milliy ozodlik harakatiga ko‘rsatgan salbiy va ijobiy ta'sirlari ilmiy jihatdan baholangan.