НОГИРОНЛИГИ БЎЛГАН ШАХСЛАРНИНГ МЕҲНАТ ҚИЛИШ ҲУҚУҚИНИ ТАЪМИНЛАШ: НАЗАРИЙ-ҲУҚУҚИЙ ЖИҲАТЛАРИ

Мақолада ногиронлиги бўлган шахсларнинг меҳнат ҳуқуқий мақоми субстантив тенглик концепцияси асосида комплекс ҳуқуқий конструкция сифатида таҳлил қилиниб, халқаро ҳуқуқий стандартлар, миллий қонунчилик нормалари ҳамда эмпирик маълумотлар асосида меҳнат муносабатларида тенг имкониятларни таъминлаш муаммолари ёритилган. Формал ва субстантив тенглик моделларининг назарий фарқлари очиб берилган, «оқилона мослаштириш» принципининг ҳуқуқий табиати асосланган. Шунингдек, давлат меҳнат инспекцияси, суд ҳимояси ва иқтисодий рағбатлантириш механизмларининг роли таҳлил қилинган. Тадқиқот натижасида ногиронлиги бўлган шахсларнинг меҳнат ҳуқуқий мақомини кўп элементли тизим сифатида такомиллаштириш бўйича назарий хулосалар ва амалий таклифлар илгари сурилган.