MADANIYATLARARO KOMMUNIKATSIYADA TARJIMANING ROLI VA AHAMIYATI -KOREYS VA O'ZBEK TILLARI MISOLIDA-

Mazkur tezisda madaniyatlararo kommunikatsiyada tarjimaning roli va ahamiyati koreys va o‘zbek tillari misolida tahlil qilinadi. Tarjima jarayonida lingvistik birliklar bilan bir qatorda madaniy, pragmatik va ijtimoiy omillar ham muhim o‘rin tutishi asoslab beriladi. Xususan, darajali muomala tizimi, murojaat shakllari, realiyalar va frazeologik birliklarni tarjima qilishdagi muammolar misollar asosida yoritiladi. Tadqiqot natijalariga ko‘ra, funksional ekvivalentlik va pragmatik moslashuv samarali tarjimaning asosiy omillari hisoblanadi.