ALISHER NAVOIY IJODIY MEROSINING JAHON SIVILIZATSIYASI TARAQQIYOTIDAGI O'RNI

Alisher Navoiy ijodiy merosi nafaqat o‘zbek adabiyoti, balki jahon sivilizatsiyasi rivojida ham muhim o‘rin tutadi. Ushbu tadqiqotda Navoiy asarlarining falsafiy, axloqiy va adabiy jihatlari tahlil qilinib, ularning Sharq va G‘arb madaniyati, insoniy qadriyatlar va jahon adabiyoti bilan bog‘liqligi yoritiladi. Tadqiqotda Navoiy ijodining milliy ildizlari va umuminsoniy ma’naviy qadriyatlarni shakllantirishdagi roli ko‘rsatilib, uning asarlaridagi axloqiy-psixologik ta’sirlar hamda ilmiy-tarbiyaviy ahamiyati ta’kidlanadi. Shuningdek, Navoiy merosining jahon adabiyoti va sivilizatsiyasida tutgan o‘rni ham nazariy jihatdan asoslanadi. Mavzu orqali Navoiy ijodining milliy va global madaniy maydondagi ahamiyati, uning asarlari orqali tarbiyaviy, estetik va falsafiy qadriyatlar uzviy bog‘liqligi tushuntiriladi.