MUROD MUHAMMAD DO'ST ASARLARIDA MILLIY XARAKTER YARATISHNING LISONIY ASOSLARI

Mazkur maqolada yozuvchi Murod Muhammad Do‘st asarlarida milliy xarakter yaratishning lisoniy asoslari ilmiy-nazariy jihatdan tahlil qilinadi. Tadqiqotda muallif ijodida qo‘llangan leksik, frazeologik va stilistik birliklarning milliy ruh, xalqona tafakkur hamda o‘zbek xalqiga xos mentalitetni ifodalashdagi o‘rni ochib beriladi. Asarlardagi dialoglar, maqol-matallar, xalqona iboralar, tarixiy va etnografik leksikaning badiiy vazifasi milliy xarakter shakllanishining muhim omili sifatida ko‘rsatib beriladi. Shuningdek, qahramonlar nutqida til vositalarining individual va ijtimoiy xususiyatlarni ochib berishdagi roli yoritiladi. Tadqiqot natijalari Murod Muhammad Do‘st ijodida til va milliy tafakkur o‘rtasidagi uzviy bog‘liqlikni asoslashga xizmat qiladi.