INGLIZ TILI DARSLARIDA GAMIFIKATSIYA VOSITALARI ORQALI MAKTAB O'QUVCHILARINING LEKSIK KOMPETENSIYASINI RIVOJLANTIRISH

Mazkur maqolada ingliz tili darslarida gamifikatsiya vositalaridan foydalanish orqali maktab o‘quvchilarining leksik kompetensiyasini rivojlantirishning pedagogik va metodik imkoniyatlari tahlil qilinadi. Zamonaviy ta’lim jarayonida o‘quvchilarning yangi so‘zlarni o‘zlashtirishi, ularni kontekstda to‘g‘ri qo‘llashi, faol lug‘at boyligini kengaytirishi va kommunikativ vaziyatlarda erkin foydalanishi muhim vazifalardan biridir. Shu nuqtayi nazardan, gamifikatsiya elementlari — ball, reyting, daraja, mukofot, topshiriq, musobaqa va interaktiv o‘yinlardan foydalanish o‘quvchilarning darsdagi faolligini oshirish imkonini beradi. Maqolada gamifikatsiyaning leksik kompetensiyani shakllantirishdagi motivatsion, kognitiv, kommunikativ va refleksiv funksiyalari yoritilgan. Shuningdek, ingliz tili darslarida Quizlet, Kahoot!, Wordwall va boshqa raqamli vositalardan foydalanishning metodik imkoniyatlari ko‘rib chiqilib, gamifikatsiyaga asoslangan topshiriqlar tizimi taklif etiladi.