TURLI SANOAT TARMOQLARI UCHUN MODIFIKATSIYALANGAN POLISAXARIDLARNING STABILLOVCHI REAGENTLARINI OLISHDA HOZIRGI DAVR TEXNOLOGIYASINING OʻRNI VA VAZIFALARI

Maqolada turli sanoat tarmoqlari uchun modifikatsiyalangan polisaxaridlar asosida stabillovchi reagentlar olishda hozirgi davr texnologiyalarining oʻrni va vazifalari yoritilgan. Tabiiy polisaxaridlarning ekologik xavfsizligi va qayta tiklanuvchanligi ularni muqobil stabilizator sifatida koʻrsatadi, biroq ularning tabiiy holatdagi fizik-kimyoviy barqarorligi sanoat talablari uchun yetarli emas. Zamonaviy kimyoviy, fizik-kimyoviy, fermentativ va nano-yoʻnaltirilgan texnologiyalar yordamida ushbu cheklovlarni bartaraf etish imkoniyatlari tahlil qilinadi. Modifikatsiya jarayonlari natijasida olingan stabillovchi reagentlarning termik, reologik va strukturaviy barqarorligi turli sanoat yoʻnalishlari misolida asoslab beriladi.