RAQAMLI DALILLARNING MAQBULLIGI VA ISHONCHLILIGINI BAHOLASHNING JINOYAT-PROTSESSUAL MEXANIZMLARI

Ushbu maqolada raqamli dalillarning jinoyat protsessida maqbulligi va ishonchliligini baholashning huquqiy-protsessual mexanizmlari tahlil qilingan. Raqamli dalillarni yig‘ish, saqlash, tekshirish va autentifikatsiya qilish jarayonlari O‘zbekiston Respublikasi jinoyat-protsessual qonunchiligi asosida yoritilgan hamda ularning sud amaliyotidagi ahamiyati asoslab berilgan. Shuningdek, raqamli dalillarning ishonchliligiga ta’sir etuvchi asosiy muammolar ko‘rib chiqilgan. Tadqiqotda AQSh, Buyuk Britaniya va Yevropa Ittifoqi tajribasi qiyosiy-huquqiy jihatdan tahlil qilinib, “chain of custody” tamoyilining ahamiyati alohida qayd etilgan. Maqola raqamli dalillar tizimini takomillashtirishga qaratilgan ilmiy-amaliy xulosalar bilan yakunlangan.