BOLALARDA QORINCHALARARO TO'SIQ NOQSONI PLASTIKASIDAN KEYINGI ERTA ASORATLAR STRUKTURASINI ANIQLASH

Annotatsiya: Qorinchalararo to‘siq nuqsoni (QTN, ventricular septal defect – VSD) tug‘ma yurak nuqsonlari orasida eng ko‘p uchraydigan patologiyalardan biri hisoblanadi. Zamonaviy kardiojarrohlik amaliyotida ushbu nuqsonni jarrohlik yo‘li bilan bartaraf etish yuqori samaradorlikka ega bo‘lsa-da, operatsiyadan keyingi erta davrda turli asoratlar kuzatilishi mumkin. Ushbu maqolaning maqsadi bolalarda qorinchalararo to‘siq nuqsoni plastikasidan keyin yuzaga keladigan erta asoratlarning tuzilmasini aniqlash, ularning uchrash chastotasi hamda klinik ahamiyatini tahlil qilishdan iborat. Tadqiqot natijalariga ko‘ra, operatsiyadan keyingi asosiy erta asoratlar qatoriga yurak ritmi buzilishlari, rezidual shuntlar, atrioventrikulyar blok, yurak klapanlari yetishmovchiligi, qon ketish, infeksion asoratlar va nafas yetishmovchiligi kiradi. Ilmiy manbalarga ko‘ra, VSD jarrohlik davolashidan keyingi umumiy asoratlar chastotasi turli tadqiqotlarda 14–35 % atrofida qayd etilgan. Mazkur tadqiqot natijalari bolalarda VSD plastikasidan keyingi erta asoratlarni aniqlash va ularni profilaktika qilish bo‘yicha klinik yondashuvlarni takomillashtirishga xizmat qiladi.