SOYA SUTINI QUYMOQ ISHLAB CHIQARISHDA QO'LLASH VA UNING FIZIK-KIMYOVIY HAMDA ORGANOLEPTIK XUSUSIYATLARGA TA'SIRI

Ushbu maqola soya sutini quymoq (blinchik) ishlab chiqarishda qoʻllash imkoniyatlari hamda uning tayyor mahsulotning fizik-kimyoviy va organoleptik xususiyatlariga ta'sirini kompleks tarzda oʻrganishga bagʻishlangan. Tadqiqot doirasida soya sutining tarkibiy xususiyatlari, jumladan oqsil, yogʻ va uglevodlar miqdori, shuningdek, uning sigir sutidan farq qiluvchi jihatlari tahlil qilindi. Maqolada soya sutining hayvon sutiga nisbatan ustunliklari — laktozaning mavjud emasligi, xolesterinsizligi, yuqori biologik qiymatga ega oʻsimlik oqsili manbai ekanligi, shuningdek, parhezbop va ekologik jihatdan samarali mahsulot ekanligi asoslab berilgan. Shu bilan birga, uning quymoq tayyorlash jarayonidagi texnologik xususiyatlari va cheklovlari ham koʻrib chiqildi.