NOLOKAL BOSHLANGʻICH VA DIRIXLE CHEGARAVIY SHARTLI ISSIQLIK TARQATISH TENGLAMASI UCHUN MANBANI ANIQLASHNING TESKARI MASALASI

Mazkur maqolada nolokal boshlang‘ich va Dirixle chegaraviy shartlar ostida berilgan issiqlik tarqalish tenglamasi uchun manbani aniqlashning teskari masalasi o‘rganiladi. Tadqiqotda masalaning matematik qo‘yilishi asoslanib, uning yechimining mavjudligi va yagonaligi shartlari tahlil qilinadi. Nolokal boshlang‘ich shartlarning kiritilishi teskari masalaning aniqlanganligini kuchaytirishi hamda manba funksiyasini aniqlashda muhim axborot manbai bo‘lishi ko‘rsatib beriladi. Tadqiqot davomida funksional tahlil va operatorlar nazariyasi usullaridan foydalanilib, masalaning barqarorligi masalalari ham muhokama qilinadi. Olingan natijalar issiqlik almashinuvi jarayonlarini modellashtirish va ichki issiqlik manbalarini aniqlash bilan bog‘liq amaliy masalalarda qo‘llanishi mumkin.