INGLIZ VA O'ZBEK TILLARIDA FE'LLARNING KOMBINATOR XUSUSIYATLARIDA TRANZITIVLIK VA TERMINATIVLIK KATEGORIYALARINING KONTEKSTUAL IFODASI

Mazkur maqola ingliz va o‘zbek tillarida fe’llarning kombinator xususiyatlarida tranzitivlik va terminativlik kategoriyalarining kontekstual ifodalanishini o‘rganishga bag‘ishlangan. Tadqiqotda ushbu kategoriyalarning fe’lning sintaktik va semantik xususiyatlariga, shuningdek, ularning nutq jarayonida boshqa birliklar bilan birikish imkoniyatlariga ta’siri tahlil qilinadi. Qiyosiy-tahliliy yondashuv asosida ingliz va o‘zbek tillaridagi misollar orqali tranzitiv va intransitiv fe’llarning qo‘llanishi hamda terminativ va davomiy harakatlarning ifodalanish usullari yoritilgan. Natijalar shuni ko‘rsatadiki, tranzitivlik fe’lning ob’ekt bilan bog‘liqligini belgilasa, terminativlik harakatning yakunlanganlik darajasini ifodalaydi. Har ikki kategoriya fe’llarning kombinator imkoniyatlarini shakllantiradi va ularning nutqdagi funksional rolini aniqlaydi. Tadqiqotda kontekstning ushbu kategoriyalarni talqin qilishdagi muhim o‘rni alohida ta’kidlanadi. Mazkur ish natijalari nazariy tilshunoslik, qiyosiy lingvistika va tarjimashunoslik sohalari uchun amaliy ahamiyatga ega.